tipitaka2500.github.io

1.1.2.6 Yadanattāsutta

Khandhasaṃyutta

Mūlapaṇṇāsaka

Aniccavagga

Yadanattāsutta

17. 108 Sāvatthinidānaṃ. “Rūpaṃ, bhikkhave, anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Vedanā anattā…  saññā anattā…  saṅkhārā anattā…  viññāṇaṃ anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ, bhikkhave…pe…  nāparaṃ itthattāyā’ti pajānātī”ti.

109 Chaṭṭhaṃ.