tipitaka2500.github.io
-
-
- Khuddakapāṭhapāḷi
- Dhammapadapāḷi
- Udānapāḷi
- Itivuttakapāḷi
- Suttanipātapāḷi
- Vimānavatthupāḷi
- Petavatthupāḷi
- Theragāthāpāḷi
- Therīgāthāpāḷi
- Therāpadānapāḷi
- Therīapadānapāḷi
- Buddhavaṃsapāḷi
- Cariyāpiṭakapāḷi
- Jātakapāḷi
- Jātakapāḷi
- Mahāniddesapāḷi
- Cūḷaniddesapāḷi
- Paṭisambhidāmaggapāḷi
- Nettipāḷi
- Peṭakopadesapāḷi
- Milindapañhapāḷi
-
4.1.10 Dutiyaāyusutta
Mārasaṃyutta
Paṭhamavagga
Dutiyaāyusutta
146. 814 Evaṃ me sutaṃ— ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā…pe… etadavoca—
815 “Appamidaṃ, bhikkhave, manussānaṃ āyu. Gamanīyo samparāyo, kattabbaṃ kusalaṃ, caritabbaṃ brahmacariyaṃ. Natthi jātassa amaraṇaṃ. Yo, bhikkhave, ciraṃ jīvati, so vassasataṃ appaṃ vā bhiyyo”ti.
816 Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi—
| 817 “Nāccayanti ahorattā, |
| Jīvitaṃ nūparujjhati; |
| Āyu anupariyāyati maccānaṃ, |
| Nemīva rathakubbaran”ti. |
| 818 “Accayanti ahorattā, |
| jīvitaṃ uparujjhati; |
| Āyu khīyati maccānaṃ, |
| kunnadīnaṃva odakan”ti. |
819 Atha kho māro pāpimā “jānāti maṃ bhagavā, jānāti maṃ sugato”ti dukkhī dummano tatthevantaradhāyīti.
820 Paṭhamo vaggo.
821 Tassuddānaṃ
| 822 Tapokammañca nāgo ca, |
| subhaṃ pāsena te duve; |
| Sappo supati nandanaṃ, |
| āyunā apare duveti. |