1.3.10 Eṇijaṅghasutta

30.

122 “Eṇijaṅghaṃ kisaṃ vīraṃ,

appāhāraṃ alolupaṃ;

Sīhaṃvekacaraṃ nāgaṃ,

kāmesu anapekkhinaṃ;

Upasaṅkamma pucchāma,

kathaṃ dukkhā pamuccatī”ti.

123 “Pañca kāmaguṇā loke,

manochaṭṭhā paveditā;

Ettha chandaṃ virājetvā,

evaṃ dukkhā pamuccatī”ti.

124 Sattivaggo tatiyo.

125 Tassuddānaṃ

126 Sattiyā phusati ceva,

jaṭā manonivāraṇā;

Arahantena pajjoto,

sarā mahaddhanena ca;

Catucakkena navamaṃ,

eṇijaṅghena te dasāti.